VIGAN CITY – Nainget nga im-imbestigaran dagiti kameng ti Vigan City Police Station iti napasamak a pammaltog idiay Brgy. Salindeg a nakatayan ni Markneil Amay, agtawen ti tallo pulo ket maysa nga agnaed iti nasao a lugar.
Agpapaamianan ti biktima a nakalugan iti tricycle na idi pinaltugan dagiti dua a saan pay a nabigbig a suspek a nagsagabaanna ti tama ti paltog ti ulona ken nadumaduma a paset ti bagina a puon ti nakatayanna.
Ti pannaki-uman ti Bombo Radyo Vigan ken ni Police Chief Master Sergeant Chester Dandin, datin nga adda iti kasona ti biktima ta idi agtawen ti sangapulo ket innem ket adda iti kabagyan na a napatay na ken arigna kanayon a resrespondean dagiti kameng ti linteg ta riribok iti barangay da.
Nu pay kasta, awan pay laeng iti lead da nu siasino ken nu anya iti motibo iti pannakapapatay ti biktima.
Kabayatanna, mapapati a drug pusher ti biktima agsipud ta naala iti uneg ti traysikelna ti maysa a kahita ti puspuro a naglaon ti mapapati a napagango a bulong ti marijuana; dua a sachet ti white crystaline substance sa adda pay ti papel a nakaisuratan ti “pusher ako, wag tularan”.
Naala iti nakapasamakan ti krimen ti lima nga empty shell ken dua a deform slug iti mapapati a caliber 45 a mapapati nga inaramat dagiti suspek.
