--Ads--
Awan ti pakainaigan iti red notice ti International Criminal Police Organization (Interpol) ti pannakakemmeg ni dati a Rep. Zaldy Co idiay Prague, Czech Republic, segun ken ni National Bureau of Investigation Director Atty. Melvin Matibag.
Ni Co ket nakemmeg gapu iti immigration violation.
Segun ken ni Matibag, nakasagana ti NBI no adda pammilin a mapaawiden ni Co ditoy pagilian.
Maipalagip a nakemmeg ti dati nga agpampanday-linteg idiay Prague idi Huebes iti rabii.
-- ADVERTISEMENT --
Nalapdan ni Co iti German border kalpasan a simrek manipud iti Czech Republic.
Pinasingkedan met ni Interior Secretary Jonvic Remulla a ni Co ket addan iti immigration detention facility.
