Anamongan ni La Union 1st District Rep. Paolo Ortega V a masapul nga agtuloy ti House Quad Committee ita a 20th Congress.
Segun ken ni Ortega, adu pay laeng ti saan a nalpas nga imbestigasyon ti Quad Comm ken adu dagiti baro nga isyu a masapul a masungbatan nangruna no maipanggep iti seguridad ken karbengan ti tao.
Innayon ni Ortega a ti kasayaatan a solusyon iti parikut ket babaen iti legislation kas ti Quad Comm nga adu dagiti gakat a naipila ngem awan ti naaramid a panagdengngeg.
Maipalagip nga iti 19th Congress ket umabot iti sangapulo ket lima dagiti naisayangkat a panagdengngeg ti quad committee mainaig iti illegal a Philippine Offshore Gaming Operators (POGO), ilegal a droga ken extra-judicial killings iti salinong ti war on drugs ti Duterte administration.
