VIGAN CITY – Ilablaban ti League of the Provinces of the Philippines iti national government a maisubli ti antigen testing kas requirement iti panagserrek kadagiti nadumaduma a probinsia ditoy pagilian.
Iti pannaki-uman ti Bombo Radyo Vigan ken ni Gov. Ryan Singson, maawatanna ti arungaing dagiti umili a marigatan iti RT-PCR test a requirement iti panagserrek ti probinsia isu a kayatda a maisubli ti antigen ta nalaklaka ken nadardaras kadakuada.
Agtultuloy ti panagpapatang dagiti gobernador iti nasao a banag ta kitaenda a naimbag ti pagsyaatan dagiti umili agsipud ta awan pay ti nalawag a pammilin ti national government isu a sumursurot pay laeng ti probinsia kadagiti naiparuar a pagannurotan.
Pinasingkedan ti gobernador nga adu ti pimmabor nga adda latta testing a maaramid ti tunggal umili a rumuar iti maysa a probinsia ta patienda a dayta ti mangsalwad kadagiti residente iti Covid19.
