VIGAN CITY – Pakadanagan ti Filipino community idiay Japan ti pannakairekord ken pannakairaman dagiti kailian a pilipino kadagiti kaso ti scam wenno pananglimlimo iti nasao a pagilian.
Iti pannakiuman ti Bombo Radyo Vigan kenni Bombo International News Correspondent Bryan Yabut nga adda idiay Japan, pakadanaganda ti pannakadadael ti imahe dagiti pilipino idiay Japan kalpasan nga adda ti Filipina a nakemmeg inreklamo ti padana a Pilipino idi nagkaproblema ti inpainjectna nga agas kenkuana.
maysa nga esthetician ti suspek a naamoan a maiparit iti pagilian a Japan ti kasta a klase ti trabaho ta masapol a dagiti laeng lisensyado a nurse ken doctor ti masapol a mangaramid ti nasao a banag
Innayon ni Yabut nga adda pay ti agtawen innem a pulo ket lima a Pilipino a naireport gapo iti iseserrekna iti romance scam iti online tapno makadawat ti kuarta.
Kiddawna kadagiti kailian a mangged a napudno ken patas kasta pay a liklikan a sumrek kadagiti ilegal nga aramid tapno agtalinaed a mayat ti Japan government nga agpastrek ti mangged a Pilipino iti pagilianda.
Iti agdama, iggemen dagiti otoridad ti esthetician a maysa a Filipina para iti naan-anay nga imbestigasyon kenkuana.
