--Ads--
VIGAN CITY – Maragsakan ni Barangay Capt. Jayson Billones ta insigida a nagtignay ni Santa Mayor Jesus “Popoy” Bueno Jr a nangipatulod ti engineer a mangkita iti nadadael a classroom iti Nagpanaoan Elementary School.
Iti pannaki-uman ti Bombo Radyo Vigan kenni Billones, timmawag kenkuana ni Mayor Bueno tapno ammuen no ania iti kasasaad iti nasao a pagadalan ket insigida a nangipatulod ti engineer tapno makita no ania dagiti addang nga insigida a maaramid.
Nagtitinnulungan dagiti residente a nangsapsapol kadagiti sim a naitayab idi rabii a nasarakan iti kataltalunan a paset ti barangay.
Agyamyaman ni Billones ta awan iti nadangran manipod kadagiti kalugaranna kabayatan iti bagyo Florita ken iti napasamak nga allawig iti masakopanna.
-- ADVERTISEMENT --
