Idurduron ni Agri Party-list Represenative Wilbert Manoy Lee ti pannakaipatakder ti potable water supply system iti intero a pagilian.
Nakaipauneg iti House Bill No. 10531 wenno gakat a Rural Potable Water Supply Act a nu agbalin a linteg ket mailatangan ti pondo a P500 million ken iti sumarsaruno a tawen ket maipauneg iti national budget.
Ti gakat ni Lee ket umanamong ti bilin ni President Ferdinand Marcos Jr. iti Department of Environment and Natural Resources a sapulen ti kongreto a solusyon ti kinaawan ti access ti nadalus ken natalged a danum iti 40 million a Pilipino.
Ti pannakaipatakder ti potable water supply system ket idauluan ti National Water Resources Board kadua ti Department of Health, Department of Environment and Natural Resources, Department of Social Welfare and Development ken ti Department of Public Works and Highways.
