VIGAN CITY – Inlawlawag ni PCol. Darnell Dulnuan a Provincial Director iti Ilocos Sur Police Provincial Office (ISPPO) a saandan a nalapdan dagiti nagiruar ti video ken ladawan a nakaipakitaan iti rupa dagiti mangngalap a nakaalaw kadagiti droga a nakita kadagiti kabaybayan iti Ilocos Sur.
Ti addang ket kalpasan a nakwestyonaranda bayat ti 2nd Quarter 2024 Joint Meeting iti PPOC-PADAC-PDRRMC ta saan a nai-blurr dagiti mangngalap a nakaalaw kadagiti droga a nasarakan iti kabaybayan ta amangan nu agpeggadda apaman ti pannaka-expose da.
Segun ken ni Dulnuan, awan ti parikot nu maiparang ti rupa dagiti nakaalaw ta pagsayaatan ti inaramidda ket saan a nakababain.
Kinunana a dakkel ketdi a tulong nu maipakita lattan ti rupada ta nu bilang maawatda ti gunggunada ket saan nga ibaga dagiti umili a balbalatong dagiti napadayawan.
Inlawlawagna a saanda a suspek nu diketdi maidaydayaw ti inaramid dagiti nasao a mangngalap.
VIDEO – PCOL. DARNELL DULNUAN
