Pannakaikkat kadagiti playground ken buffet iti pagadalan tapno maliklikan iti covid-19, naisingasing

Vigan City – Insingasing ni National Action plan against covid-19 chief implementer Sec. Carlito Galves Jr. iti pannakaikkat kadagiti playground ken buffet kadagiti pagadalan tapno maliklikan iti panagado iti kaso iti covid-19.

Segun ken ni Galvez, rumbeng nga awan iti playground ta posible iti close contact ken transmission iti virus ta mabalin a malabsing iti social distancing.

Kasapulan a maikkat iti buffet kadagiti canteen nga isu iti posible a pagtaudan iti panagado iti kaso ta no agsasangon dagiti agad-adal ket posible a no agsasaritada ket makaiyakarda iti virus.

Ti nasao a singasing ni Galves ket maibasar iti contact tracing nga insayangkatda nga opisyal.