Tallo ti nadunor iti pannakaidungpar ti motorsiklo iti traysikel gapu iti diversion road ti San Jose, Candon City, Ilocos Sur.
Nabigbig ti nagmeno iti traysikel a ni Mario Galdones Mario Sr., agtawen iti innem a pulo ket lima, inluganna da Floresa Galdones Marte, agtawen iti tallopulo ket lima, agpada a taga-Barangay Parioc 1st, Candon City.
Ti met nagmaneho iti motorsiklo ket ni Joshua Marquez Tingdan, agtawen iti duapulo ket dua, kinalubbonna ti maysa a menor de edad, agpada a taga-Patac, Galimuyod.
Iti pannaki-uman ti Bombo Radyo Vigan ken ni PLT. Jovelyn Antalan, agpada nga agpapa-amianan dagiti lugan iti diversion road idin ta bigla a nagsikko ti drayber ti traysikel a sumrek iti secondary road a saanna tinalyaw no adda lugan a sumungad ket naidungpar ditoy ti motorsiklo.
Gapu iti impact ti aksidente, naipurwak ti nagmotorsiklo ket naidungpar iti poste ti silaw isu nga agalen ti drayber ti nasakit a barukongna.
Dagus a naitaray iti ospital dagiti drayber gapu iti sinagabada a dunor iti ulo agraman ti backride.
