--Ads--
Vigan City – Awan iti parikot dagiti kameng ti Philippine National Police idiay ili ti Narvacan ta tungtungpalen dagiti umili ti curfew hour.
Segun kenni Police Capt. Arcadio Villoria, hepe ti Narvacan Municipal Police Station, awanen dagiti agwara-wara pay iti rabii iti masakopan da ngem no pay kasta agtultuloy iti panagpatrolya da kadagiti nadumaduma a barangay iti rabii.
Innayon ni Villoria a manipod naipatungpal ti general community quarantine ti ili ti narvacan ket awan pay dagiti naglabsing ti maipapatungpal a curfew hour.
Kiniddaw ti hepe a suruten latta dagiti umili iti maipapatungpal a pagannurutan kangrunaan iti social distancing ken panagsuot iti facemask a nagbalin a problem dagiti mannalon a napan nangawat iti ayuda da.
-- ADVERTISEMENT --
