Impaganetget ni Senador JV Ejercito a saan nga amin nga amendments wenno panagbaliw iti gakat ti national budget ket maibilang a dakes.
Ti addang ket kalpasan a kinumpirmaran ni Senador Panfilo Lacson a P100 billion ti nagbalin nga insertions ti arigna amin a senador iti salinong ti 2025 General Appropriations Act.
Inlawlawag ni Ejercito a paset ti akem dagiti agpampanday linteg ti mangiserrek ti amendments tapno matignayan ti kasapulan iti agduduma nga ahensya ken departamento iti gobierno.
Innayonna a ti kangrunaan a mandato ti Kongreso ket siguradoen nga adda umanay a pondo a nakalatang para iti napatpateg a programa ken proyekto iti gobierno.
Saanna pay a maibilang a dakes ti panag-amyendar iti singasing a budget nu saan a makibiang ti post-enactment dagiti agpampanday linteg.
