VIGAN CITY – Nagballaag ti Food and Drug Administration (FDA) iti publiko a nasken a sukimatenda dagiti agas a tumtumarenda ken gatgatangenda kagiddan ti panagraira dagiti peke a bersion dagati sumagmamano nga agas a pagaammo kas over-the-counter medicines.
Maibasar iti advisory nga inruar ti Food and Drug Administration (FDA), dagiti agas nga addaan iti peke a bersion ket pakairamanan ti Kremil-S, Alaxan, Biogesic, Medicol Advance, Bioflu, ken Tuseran.
Malaksid iti dayta, nagballaag pay dagitoy kadagiti amin a healthcare professionals a nasken a sukimatenda a nalaing dagiti agas nga iresatada kadagiti pasyente-da tapno maliklikan ti aniaman nga insidente.
Nagpalagip metlaeng dagitoy iti publiko a gumatangda laeng iti agas kadagiti Food and Drug Administration (FDA)- licensed establishments.
Innayon ti nasao nga opisina a nasken a sukimaten a nalaing ti publiko ti langa, surat ken ti packaging dagiti agas a gatgatangenda.
Kabayatanna, nagballaag dagitoy kadagiti amin nga establisiemento ken dagiti outlets tapno saan dagitoy nga agilako kadagiti peke nga agas.
Dagiti agilako ken aglabsing iti ordinansa ket mapilaan ti kaso kas maibasar iti Republic Act No.8203 wenno Special Law on Counterfeit Drugs.
 iti publiko a nasken a sukimatenda dagiti agas a tumtumarenda ken gatgatangenda){kind=link}