VIGAN CITY – Inallukoy ni Presidente Rodrigo Duterte dagiti Pilipino nga agtitinnulong para iti panagdur-as iti pagilian.
Ti mensahe ni Presidente Duterte iti panangsarabo ti baro a tawen, namnamaen na a mabenepisyaran ken pagnam-ayan ti tunggal Pilipino dagiti pagannurutan ken programa iti administrasyon na.
Innayon na nga agtultuloy iti panagdur-as iti pagilian nu agtitinnulong ti tunggal maysa.
Ti baro a tawen ket panawen tapnu panunuten dagiti adal iti napalabas a tawen ken tapnu ituloy iti panagtitinnulong ken panang-ngaasi iti tunggal maysa.
Kabayatanna, kalikagum ni Vice President Leni Robredo a kas maibasar iti inparuwar na a mensahe itatta a baro a tawen iti napinpintas ken nanam-nam-ay a panagbiyag dagiti Pilipino ket inallukoy na ti tunggal maysa a sarabuwen ti tawen 2020 a napnuan ti namnama.
