VIGAN CITY – Pinasingkedan ni Police Chief Master Sergeant Chester Dandin ti Vigan City police station a posible a konektado iti panagtakawan a napasamak iti uneg ti Two Brothers Grocery Store ken ti pannakauram ti maysa a van idiay Brgy 3, Vigan City idi agsapa idi kalman, December 26.
Segun ken ni Dandin, mapatta-patta a sangagasut a ribo a pisos ti naala dagiti uppat nga armado a lalaki a simrek iti nasao a pagtagilakuan a kas maibasar iti nakita ti CCTV footage.
Atapen na nga adda iti inside job iti napasamak a panagtakawan ta ammo dagiti suspek iti nangalaan da kadagiti intaray da a kwarta.
Kabayatanna, awan iti rimuwar a rekord iti nauram a lugan iti Land Transportation Office ngem manarimaanen iti naun-uneg nga imbestigasyon da iti posible a kinatao iti akin-kukua ti nasao a lugan.
