Inlawlawag ti Philippine National Police a saan a konektado iti pulitika ti naaramid a reorganization idiay Davao City kalpasan a nagsasaruno a nasukatan dagiti tallo a hepe ti siudad.
Segun kenni PNP spokesperson Police Col. Jean Fajardo, awan ti sabsabali iti napasamak a pannakadutok dagiti tallo nga opisyal iti uneg ti maysa nga aldaw ta mapaspasamak met dayta iti PNP Unit
Binalakadanna met ti publiko a saan nga ikonekta ti insidente iti aniaman a political situation.
Naamoan nga immuna a nadutukan idiay Davao City Police office ni Col. Lito Patay kas officer-in-charge ket bayat ti panangiyuswatna ti command conference, nakaawat isuna ti impormasyon a sukatan isuna ni Col. Sherwin Butil.
Saan metlaeng a nagbayag ni Col. Butil ta sigod a sinukatan metlaeng ni Col. Hansel Marantan.
