Indauluan ni Pres. Ferdinand Marcos Jr. iti panagsapata dagiti baro nga opisyal iti League of Provinces of the Philippines (LPP) idiay Malakanyang.
Ti liga ket binukel dagiti gobernadora manipod iti walopulo ket dua a probinsia iti pagilian.
Ti kangrunaan a tutukan ti LPP ket ti naannayas a konsultasyon dagiti lokal a gobierno sakbay nga ipatungpal dagiti national project tapno masigurado a patas ken nalawag iti panagaramat ti pondo.
Ipangrunada pay ti solid waste management, panagsolbar iti parikot ti layus ken nayon a pondo para ti disaster preparedness.
Malaksid dayta ket idurduron ti LPP ti panagamyendar ti local government code tapno nawaywaya dagiti LGU iti panangidaulo ti pondoda.
Kabayatanna, iti nagbalin a mensahe ni President Marcos ket inallukoyna iti LPP nga agbalin a katinnulongda iti pananglaban iti korapsyon.
Kinunana kadagiti kabarbaro nga opisyal a rumbeng nga agbalinda a boses, agbayabay ken ammoda iti makonsensya iti masakupanda.
