VIGAN CITY – Adadalen ni Engineer John Foz ti Department of Health Ilocos Sur iti panagmulumog ti asin kas addang dagiti tattao tapno maliklikan iti COVID19.
Ti pannaki-uman ti Bombo Radyo Vigan kenni Foz, immasideg kenkuana dagiti agasawa nga abogado a positibo iti nasao a virus iso nga inrekomendar na iti panagmulumog iti maysa kutsara nga asin ken maysa baso ti danom a napudot iti mamin tallo a daras iti maysa aldaw kalpasan iti pannangan iti uneg ti tallo nga aldaw.
Ti maykauppat nga aldaw dimmalan ti Swab test dagiti agasawa ket negatibon iti nasao a virus kasta met kenni IS-C45 a lalalaki a positibo iti nasao a virus ken asymptomatic.
Makiuman ti DOH Ilocos Sur ti Provincial Government tapno maisayangkat iti nasao a proseso kadagiti asymptomatic a pasiente ti COVID19.
