VIGAN CITY – Inwaragawag ni Gov. Jerry Singson inton October 5 ken October 7 ti aldaw a pannakatuloy ti panagiwaras iti farm equipments kadagiti mannalon iti probinsia.
Naisanud ti panagiwarasan iti equipment kadagiti benepisyaryo a pakairamanan dagiti Federated Farmers Association ken dadduma pay nga Association of Farmers.
Karaman kadagiti maiwaras dagiti aramaten iti panagtalon kas ti unit ripper, grass cutter, chemical hose, tractor, harvester, water pump ken agriculture hose a nagtaud iti pondo ti RA 7171.
Maipalagip a dagiti equipment ket nagatang idi administrasyon ni dati a Governor ken agdama a Vice Governor Ryan Singson ngem ita laeng a naisangpet.
Immuna met idi nagpalagip ni Vice Gov. Singson kadagiti mannalon nga agrehistroda kadagiti asosasyonda tapno mairamanda kadagiti mawarasan ta dagiti maipapaayan ket kas maibasar iti listaan ti Provincial Agriculture Office.
