Panaggatang kadagiti baro nga stocks, nangipangato ti presio dagiti shares

Napigsa a bimmawi ti local stock market kalpasan a ginundawayan dagiti agpupuunan ti nalaka nga stocks iti merkado.

Ngimmato ti benchmark ti Philippine Stock Exchange Index ti 1.15 percent wenno 72.69 points kabayatan a ngimmato met ti All Shares Index ti 1.16 percent wenno 40.37 points.

Bimmawi ti Philippine Stock Exchange Index manipud ti 2 percent a pannaka-lugi idi napalabas a trading session gapu iti panagserrek dagiti agpupuunan nga agbirbiruk ti bargain stocks.

Amin a sektor ket nagleppas iti positive territory nga indauloan ti mining ken oil sector a ngimmato iti 1.92 percent.

Nupay kasta, kimmapsot latta ti kabuklan a trading activity a bimmaba ti total value turnover iti P6.25 bilyon manipud it P8.67 bilyon idi napalabas nga aldaw.