Awan ti nadangran iti panagdinnungpar ti van ken motorsiklo idiay national highway sakupen ti Barangay Basilio, ili ti Magsingal.
Ti Toyota Hi ace ket minaneho ti agtawen uppat a pulo ket uppat a residente ti Pamville Sub. Banaba, San Mateo, Rizal.
Ti met nagmaneho ti Yamaha Mio Sporty ket agtawen ti sangapulo ket siam, estudyante, awan ti driver’s license na ken residente ti Barangay San Julian, Magsingal.
Ti van ket daldalyasaten na ti national highway nga agturong iti abagatan a direksion idinto a ti motorsiklo ket agturong iti daya a direksion nga adda iti barangay road.
Iti nadanonda ti nakapasamakan ti insidente partikular iti outer lane ti highway, ginandat ti motorsiklo a bumal-lasiw ket saan na a kinita ti sumungad a van isu a napasamak ti panagdinnungpar.
Nupay kasta awan ti nadangran iti napasamak nga insidente.
