Tallo ti nadunor iti panagdinnungpar ti pick-up ken motorsiklo iti provincial road ti Barangay Taleb, Nagbukel, Ilocos Sur.
Ti nagmaneho iti Nissan Navarra ket agtawen iti uppat a pulo ket maysa, inluganna ti asawana nga agtawen iti tallopulo ket pito, agpada a taga-Barangay Poblacion, Pilar, Abra.
Ti met nagmaneho iti Euro motorcycle ket agtawen iti duapulo, kinalubbonna ti agtawen iti duapulo; ken ti agtawen iti duapulo ket innem, agpapada a taga-Barangay Mapisi, Nagbukel.
Agpapalaud ti pick-up idin ta ti motorsiklo ket immagaw iti linya isu a nagdinungparda.
Naipaagas iti ospital dagiti nagkakalubbon gapu iti pannakadunor dagiti nadumduma a paset ti bagida ket naduktalan a nakainomda idi mapasamak ti aksidente.
Saan met a naan-ano ti nagmaneho ken ti inlugan ti pick up.
