Awan ti nadangran iti napasamak a panagdinnungpar ti motorsiklo ken kurong-kurong iti Provincial Road idiay Barangay Turod, Narvacan, llocos Sur idi rabii idi August 25, 2026.
Ti nagmaneho iti Honda Click motorcycle ket lalaki nga agtawen iti sangapulo ket siam, holder iti Driver’s License nga agnaed idiay Barangay Apatot, San Esteban; ti backrider-na ket babai nga agtawen iti sangapulo ket innem, estudyante nga agnaed idiay Barangay Busel-Busel, Santiago.
Ti nagmaneho met iti motorstar tricycle wenno Kurong-Kurong ket lalaki nga agtawen iti uppat a pulo ket tallo nga agnaed idiay Barangay Pantoc, Narvacan.
Sakbay iti aksidente, agpapadaya a direksyon ti motorsiklo idin nadanonna iti nasao a lugar ket agturong met iti laud a direksyon ti kurong-kurong a saan a mabalin iti headlights ken taillights-na isu nga immagaw iti linya nga ayan ti motorsiklo a rason iti panagdinnungparda.
Gapu dayta ket agpada a nadamage dagiti dua a lugan ngem awan iti nadangran kadakuada.
Kabayatanna, ti driver ti kurong-kurong ket naipan iti Ilocos Sur District Hospital-Narvacan ket iti naisayangkat nga alcohol breath examination, nagpositibo daytoy.
Kasta pay a nairuaran ti driver ti kurong-kurong iti citation ticket gapu iti traffic violation-na.
