Maysa iti natay idinto a dua iti nadunor iti panagdinnungpar dagiti dua a motorsiklo iti national highway idiay Barangay Bulag, Bantay.
Ti nagmaneho ti Yamaha Aerox ket lalaki nga agtawen iti duapulo ket dua, baro nga agnaed idiay Ora East, Bantay; backride na ti maysa a menor de edad nga agpada a taga-Ora Centro, Bantay; idinto a ti nagmaneho iti Honda TMX ket agtawen iti tallopulo ket dua a lalaki, construction worker a taga-Bulag West, Bantay.
Agturong iti daya a direksyon ti Aerox idin nadanonna iti nasao a lugar, ti Honda TMX nga adda iti westbound ket immagaw iti bangir a linya a gappuanan iti panagdinnungpar dagiti dua a motor.
Gapu iti impact ket nadundunor dagiti tallo ket naipan ti nagmaneho ti Aerox iti Northside Doctors Hospital ngem naideklarar a dead on arrival babaen ti attending physician-na.
Ti back rider iti Aerox ket naipan iti Ilocos Sur Provincial Hospital at Tamag Vigan City, Ilocos Sur idinto a ti nagmaneho iti Honda TMX ket naipan iti Metro Vigan Hospital.
Dagiti karaman iti aksidente ket agpapada a nagaramat iti protective helmet.
