Nainget nga impatungpal dagiti kameng ti Philippine National Police ken Bureau of Fire Protection iti probinsia iti nainget a panag-inspect kadagiti agilaklako iti palpalibang ita a bisperas iti panagrambak iti paskua.
Iti pannaki-uman ti Bombo Radyo Vigan ken ni Ilocos Sur Police Provincial Office Provincial Director PCol. Agosto Asuncion, iti insayangkatda a panagbisita ken panag-inspect kadagiti stall iti agduduma a paset ti probinsia ket awan iti naglabsing iti polisiya ken pagannurotan a naiyetnag iti salinong ti panaglakoan ti firecrackers.
Segun ken ni Asuncion, awan iti namonitorda a nagilako iti maiparit a firecracker wenno pyrotechnic iti probinsia isu a pagyamananna ta natulnog dagiti agtagilako.
Siguradoenna a nakadeploy amin a kameng ti kapulisan ken uray iti BFP tapno agmonitor ken siguradoen a natalged dagiti umili bayat iti panagrambak ti holiday.
