--Ads--
VIGAN CITY – Im-imbestigaranen dagiti kameng ti Vigan City Police Station iti pammaltog a nakatayan ti maysa a lalaki iti Vigan City Diversion Road.
Nabigbig ti biktima a ni Alex Paa, agtawen ti duapulo ket uppat nga agnaed iti San Julian Sur a dead on arrival idi naipaagas iti ospital gapu iti tama ti paltog iti tengngedna.
Segun ken ni Hipolito Paa, uliteg ti biktima, nasingpet ti kaanakanda ken awan pulos ti bisyona ta malaksid iti dayta ket katulonganda pay a mapan agitulod kadagiti lakoda a bagnet ken longganisa.
No pay kasta, sapsapulenen dagiti pannakabagi ti linteg no siasino ti nakalibas a suspek ken no ania iti motibona iti napasamak.
-- ADVERTISEMENT --
