Hustisia ti kiddaw ti pamilia ti pulis ken ti anakna a nasarakan ti bangkayda a naisako idiay Tarlac.
Ti biktima ket ni Police Senior Master Sgt. Diane Marie Mollenido ken ti anakna nga agtawen iti walo, tubo iti Barangay Flora, Sto. Domingo.
Iti pannaki-uman ti Bombo Radyo Vigan iti uliteg ti biktima a ni Chelito Agbisit, napan dagiti agina idiay Novaliches tapno mapanda koma ilako ti four wheels a luganda.
Idi damo, natalekda pay laeng nga adda laeng napanan dagiti agina isu a saanda pay a nagawid.
Ngem nangrugidan nga agdanag idi saandan a makontak ken maipadamagen a mapukpukawda ken nasarakandan a natay.
Inladawan ni Agbisit ti kaanakanna kas naanus, nadayaw ken awan ti ammoda a nakaririna isu a saanda a namnamaen a kasta ti mapasamak kenkuana agraman ti anakna.
Inulila pay ni Mollenido dagiti dua pay nga annakna.
