VIGAN CITY – Narekobren dagiti otoridad ti paltog a naaramat iti napasamak a pammaltog idiay Option Disco Club a nakatayan ti maysa a bouncer.
Iti pannaki-uman ti Bombo Radyo Vigan kenni PLt. Col. Jay De Guzman, Deputy Provincial Director for Administration, nasarakanda ti paltog a caliber 380 a naaramat ti pamlatog iti motorsiklo a kukua ni Jerry Burgos.
Babaen iti nagtitipon a kameng ti PNP, Barangay Officials ken kameng ti Media naisayangkat iti panangkitada ti paltog iti NMax a motor ti suspek.
Innayon ni De Guzman a kaso a murder iti maipila kontra ti suspek iti napasamak a pammaltog.
Ti agdama agtultuloy iti panangduktal dagiti otoridad no ania iti agpayso a napasamak sakbay ti pammaltog ta ado dagiti impormasyon a dimmanon kadakuada iso a kitaenda a nalaing ti CCTV iti uneg ti club.
