--Ads--
VIGAN CITY – Burburtiya pay laeng kadagiti kameng ti Vigan City police station nu siasino ti natay a lalaki a nasarakan iti bangkay na idiay Pampantoc cemetery, Barangay VIII idi July 1.
Ti biktima ket adda tattoo na iti akin-kannigid a takyag na nga angkla ti barko ken barbwire iti akin-kannigid a pungwa-pungwan na.
Maibasar iti inisyal nga imbestigasyon, mapapati nga inwalang laeng dagiti suspek iti bangkay ti biktima iti nasao a lugar ta awan met iti pagilasinan nga idiay iti nangpatayan dagiti suspek kenkuana.
Kalaksidan iti nakaro a dunor iti ulo na, pina-ammalan pay dagiti suspek iti semento ti ngiwat ti biktima sa da pinarabawan iti lapida.
-- ADVERTISEMENT --
Inubadan ken inruwar pay dagiti suspek iti mabagbagi ti biktima.
