Nasurok P87 million ti mapatta-patta a nadadael iti sektor ti agrikultura idiay Central Luzon ken Negros Occidental gapu kadagiti naglabas a bagyo ken panaglayos.
Segun ti Central Luzon Regional Disaster Risk Reduction and Management Council, ti gatad ti nadadael a talon idiay Nueva Ecija ket P30 million; umabot P21 million idiay Bulacan; P5.7 million idiay Bataan; P16 million idiay Tarlac; P8.5 million idiay Zambales; ken P652,863 idiay Pampanga.
Idiay Negros Occidental ket impakaammo ti Office of the Provincial Agriculturist a P2.5 million ti gatad ti dadael iti biang ti agricultural crops ken fisheries gapu iti napipigsa a tudo ken layos gapu kadagiti bagyo Mirasol, Nando ken Opong.
Segun ken ni Provincial Agriculturist Dina Genzola, naapektaran iti layos iti 116.4 nga ektarya iti talon iti sangapulo ket walo a barangay idiay San Carlos City ken kadagiti ili ti Moises Padilla, Isabela ken Don Salvador Benedicto.
