Pinasingkedan ni Senador Panfilo Lacson a P700 million ti pondo dagiti umili ti nasayang iti salinong ti panangidaulo ni dati a Senate President Alan Peter Cayetano.
Kinuna ni Lacson nga iti uneg iti duapulo ket walo nga aldaw a panagidaulo ni Cayetano ti Senado ket saan a nababbaba iti P700 million ti nasayang a kuarta dagiti umili.
Dinakamat ni Lacso dagiti aldaw a nasayang ta saan a nakatrabaho ti Senado pakairamanan ti pammaltog iti uneg ti Senado, panaglibas ni Senador Bato dela Rosa nga adda iti salinong ti protective custody iti Senado, ti tallo nga aldaw a boycott iti session, paay a panggep ti destabilisasyon ken bogus iti panagdenggeg itibaet ti panagbaliw ti liderato.
Immunan a pinasingkedan ni Senate President Win Gatchalian a nasurok-kumurang P25 million kada aldaw ti magasgastos ti Senado no maisarsardeng dagiti session ken awan ti maaramid a plenary works.
Sinungbatan met dayta ni Cayetano ket kinunana a kasta met laeng ti gastos wenno pondo kada aldaw ni Gatchalian.
Kinuna ni Cayetano a siasinoman a Senate president ket P25 million kada aldaw iti gastosna.
Saan a pinaglibakan ni Cayetano ti akusasyon ni Lacson a nasayang a pondo iti salinong ti panangidaulona ngem nagpasagid a nalaing nga ag-divide da Lacson isu a very divisive wenno nabingay-bingay ita iti Senado.
