Maysa a lalaki ti nakemmeg iti naiwayat a buy-bust operation iti ili ti Santiago, Ilocos Sur.
Ti suspek ket agtawen iti uppat a pulo ket uppat, agnaed iti Barangay Poblacion Sur.
Iti pannaki-uman ti Bombo Radyo Vigan ken ni Police Executive Master Sergeant Iris Lois Pamaran, nabayag a sinipsiputanda ti tignay ti suspek agingga a naisayangkatda ti operasion a nakakemmeganna.
2010 ket nakemmeg idin ti suspek babaen iti search warrant idinto nga idi 2010 ket nakemmeg manen iti nasao nga ili gapu met laeng iti iligal a droga.
Nakumpiskar manipud iti suspek ti nasurok-kumurang 5 grams ti shabu nga aggatad iti P34,000 a naikabil iti 5 a heat-sealed transparent plastic sachet nga isu ti nagserbi a buy-bust item ken possession.
Dagiti non-drug evidence ket pakairamanan dagiti boodle money, personal money, driver’s license, cellphone ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
