Impasango ti House prosecution panel iti Senate impeachment court ti testimonia ti AMLC Executive Director Ronel Buenaventura mainaig iti mapapati a ₱319 milion a naipatulod a pondo manipud kadagiti kompania nga adda idiay China a maipan iti Cale88 Foods Corporation, a maibagbaga nga adda 47.5 percent nga interes ni Atty. Manases Carpio.
Segun iti prosekusion, tallo kadagiti remittance ti inreport ti bangko a makapaatap gapu iti kinaawan ti legal wenno trade obligation ken nalawag a kalikagumna para iti ekonomia.
Innayon ti prosekusion nga arigna P4.5 billion ti simrek ken rimmuar kadagiti 15 a korporasion a maibagbaga nga adda interes da Vice President Sara Duterte ken ni Carpio manipud 2022 agingga 2025.
Aramaten ti prosekusion dagiti rekord ti AMLC tapno suportaran dagiti alegasion iti Article II ti impeachment case kontra ken ni Duterte.
