Mailaklako iti P20 kada kilo iti bagas iti warehouse iti National Food Authority iti ili ti Bantay, Ilocos Sur.
Iti pannaki-uman ti Bombo Radyo Vigan ken ni Marisol Quinola a Warehouse supervisor iti NFA-Bantay, ti addang ket kas bilin ni President Ferdinand Marcos Jr. tapno matulongan dagiti umili.
Segun ken ni Quinola, dagiti target beneficiaries iti P20 kada kilo a bagas ket dagiti solo parents, 4Ps, tricycle driver, senior citizens, ken persons with disabilities a mabalin a makagatang iti agingga 30 kilos kada bulan.
Karaman pay kadagiti benepisyaryo dagiti mannalon a miembro iti RSBSA a mabalin a gumatang iti agingga maysa kaban.
Kiddaw ni Quinola iti panaganus dagiti umili a makipila ta kalikagumda a maipaayan ida iti nalaka a presyo ti bagas ken awaten no ag-cut off da ta kasapulan a leppasenda pay dagiti immuna a nakipila sakbay nga agpastrek manen.
