P20.7 billion nga illegal a droga, naala ita a tawen

P20.7 billion a gatad ti illegal a droga ti nakumpiskar iti anti-narcotics operation nga insayangkat ti Philippine National Police ita a tawen 2024 segun ken ni PNP Chief Rommel Francisco Marbil.

Segun ken ni Marbil, ti drug haul ket mangirepresentar ti nayon a 101 percent kumparar iti total drug seizure idi 2023.

Agingga 46,821 anti-narcotics operations iti naisayangkat iti intero a pagilian a nagresultaan ti pannakakemmeg iti 57,129 a suspek.

Segun ti PNP, nakapokus ti war on drugs kadagiti high-value suspects ken sumursurot iti human rights principles ken due process.