Idurduron ni House Assistant Majority Leader ken Lanao del Sur Rep. Zia Alonto Adiong ti panangilatang ti P15 bilyon supplemental budget.
Daytoy ket tapno mapondoan ti relief, recovery, rehabilitation, repair ken reconstruction efforts kadagiti lugar nga apektado ti magnitude 7.8 a ginggined idiay Mindanao.
Segun ken ni Adiong, ti gakat ket nayon iti National Disaster Risk Reduction and Management Fund tapno matulongan dagiti apektado a komunidad.
Iti salinong ti House Bill 9882, sag-P2 bilyon ti mailatang iti Department of Agriculture ken Department of Education.
Makaawat met ti sag-P1.5 bilyon ti Department of Social Welfare and Development ken Department of Health.
Adda pay nayon a P2 bilyon a mailatang para iti pabahay ken relokasion dagiti biktima iti salinong ti Department of Human Settlements and Urban Development ken National Housing Authority.
