--Ads--
Impaganetget ni Senador Alan Peter Cayetano a saan nga inawat ni Presidente Ferdinand Marcos Jr ti gakat a mangted iti P10,000 nga ayuda kadagiti kwalipikado a Pilipino kalpasan ti eleksion idi 2022, uray no kunana a makanay ti pondo ti gobierno.
Dayta ket kalpasan nga inwaragawag ti Presidente ti napabileg nga UPLIFT program, a dagiti benepisyaryo ket umawat iti agingga P12,000 nga ayuda.
Kwinestion ti senador no apay nga ita laeng a maipatungpal ti dakdakkel nga ayuda ken atapenna a natakaw nga umuna ti ginasut a bilion a pisos sakbay a maited.
Kabayatanna, pinasingkedan ti Department of Social Welfare and Development (DSWD) a mangrugi ti pannakaited ti ayuda iti salinong ti UPLIFT program inton Lunes.
-- ADVERTISEMENT --
