Inaprubaran ti Economy and Development Council (ED Council) nga idaulwan ni Presidente Ferdinand Marcos Jr. ti P105.7 bilion a public-private partnership project a mausar iti panangipatakder kadagiti kurang a klasrum iti pagilian.
Segun ti Department of Economy, Planning, and Development (DEPDev), inaprubaran ti Public-Private Partnership for School Infrastructure Project Phase III (PSIP III) iti salinong ti panangimaton ti Department of Education (DepEd) ti nasao a banag.
Karaman tii PSIP II ti panangipatakder ti 16, 459 a baro a classroom iti 1, 095 a pagadalan ti Luzon manipud Marso 2027 agingga Marso 2028 a manamnama a magunggonaan ti nasurok 800, 000 nga estudyante kada tawen.
Gagem pay ti proyekto a padarasen ti konstraksion babaen iti PPP Build-Lease-and-Transfer scheme tapno maliklikan ti pannakaitantan ti tradisional a procurement.
