Isingsingasing ni Senador JV Ejercito ti P10, 000 across-the-board increase iti basic monthly salary ti amin a public elementary ken secondary school teachers iti pagilian.
Iti salinong ti Senate Bill No. 335 wenno “Dagdag Suweldo Para sa mga Guro Act,” amin a kwalipikado a public school teachers ket makaawat ti nayon a P10, 000 iti basic monthly salary-da, aniaman ti kaatiddog ti serbisio-da.
Segun ken ni senador Ejercito, gagem ti gakat a mabigbig ti napateg nga akem dagiti mangisursuro iti edukasion.
Pinasingkedan pay ti senador a kalaksidan ti agisuro, agisagsagana pay dagiti magisursuro ti lessons, agche-check dagiti papel, agar-aramid ti reports ken mangkitkita kadagiti estudyante.
Innayon ni Ejercito a ti nasaysayaat a kompensasion ket makatulong saan laeng iti kalidad ti biag dagiti mangisursuro ngem uray pay ti panangpatalinaed ti nalalaing nga educators iti public school system.
