Umaboten iti P1.12 bilion ti nadadael iti sektor ti agrikultura gapu iti Bagyo Crising, Dante, Emong, ken habagat, segun iti Department of Agriculture.
Mapatta-patta a 25,566 a metric tons ti mapukaw a produksyon a nangapektar iti 45,408 a mannalon ken mangngalap ken 43,741 nga ektarya iti pagtalonan iti CAR, Ilocos, Cagayan Valley, Central Luzon, Calabarzon, Mimaropa, Bicol, Western Visayas, Zamboanga Peninsula, Northern Mindanao, Davao Region, ken Soccsksargen.
Nagballaag ti DA a posible a ngumato pay ti gatad bayat ti panagtultuloy ti assessment.
Karaman kadagiti tulong ti P653 milion a gatad ti agricultural inputs, 43,940 a sako tib agas manipud NFA para kadagiti LGUs, Quick Response Fund, P400 milion a pondo para iti SURE Loan nga agingga P25,000 zero interest ken P268 milion para iti crop insurance payout.
