Dinayaw ni outgoing Philippine National Police (PNP) Chief a ni Gen. Rommel Francisco Marbil ti mangsukat kenkuana a ni Maj. Gen. Nicolas Torre III ket kinunana a nakwalkwalipikado ni Torre para ti kangatoan a posisyon ti PNP.
Segun ken ni Marbil, nalalaing ni Torre ngem kenkuana ken impakaammona dagiti balligi ni Torre pakairamanan iti panangidaulona kadagiti high-profile a kaso kas iti panangsapul ken pannakakemmeg ni televangelist Apollo Quiboloy idiay Davao City ke ti panangiserbi ti warrant of arrest ken ni dati a President Rodrigo Duterte kas hepe ti Criminal Investigation and Detection Group (CIDG).
Dinayaw pay ni Gen. Marbil dagiti kabaelan a mangidaulo ni Torre kas kangrunaan a rason ti promosyonna, saan laeng a gapu kadagiti kaso maipanggep kada Quiboloy ken Duterte.
Inallukoy ni Marbil ni Torre nga itultloy dagiti reporma iti PNP ken tignayan dagiti kinakapsot iti administrasyonna.
Innayon ni Marbil a dagiti kaso a sangsangwenna iti panagretirona ken dagiti nadakamat a kritisismo kas ti kaso da Duterte ket paset iti trabaho ti maysa a polis.
