--Ads--
Inaprubaran ti senado iti maikatlo ken maudi a pannaka-basa ti gakat a mangipasdek ti Philippine Geriatric Center (PGC), maysa nga espesyal nga ospital tapno mapasayaat ti serbisyo a para ti salun-at dagiti nataengan a Pilipino.
Ti gakat a Senate Bill 1509 wenno Philippine Geriatric Center Act ket idurduron ni Senador Risa Hontiveros.
Mangnamnama ti opisial a dagus nga agbalin a linteg aglalo ta adda bersion nga impasa ti Kamara idi Disiembre 2025 ket maibilang a priyoridad ti Legislative Executive Development Advisory Council.
Karaman pay ti gakat iti legislative agenda ti Department of Health.
-- ADVERTISEMENT --
