Nagasto ti opisina ni Bise Presidente Sara Duterte iti P16 million iti P125 million confidential funds-na idi 2022 para iti panagbayad kadagiti safe houses iti uneg laeng ti sangapulo ket maysa nga aldaw, segun iti OVP accomplishment report.
Ti report ti OVP maipapan iti P125 million confidential fund-idi 2022 ket inpakita ti Commission on Audit kabayatan ti imbestigasion ti House good government ken public accountability committee iti pannakausar ti budget ti OVP .
Kinumpirmaran ni abogado Gloria Camora iti Intelligence and Confidential Funds Audit Office ti COA nga inaramid ti OVP ti P16 million a bayad kas makita iti 34 acknowledgment receipts a napetsaan ti December 21 agingga 31.
Inyunay-unay ni Antipolo Representative Romeo Acop, retired police official, a maysa kadagiti resibo ti nangipakita iti P500,000 a bayad para iti safe house.
Kinuna ni Camora a mabalin a kayatna a sawen nga agarup P45,000 ti nagastos ti OVP iti kada aldaw para iti safehouse.
