Nainget iti ipapatungpal nga online registration para kadagiti agindeg a kayatna iti rumuar iti pagtaenganna iti idiay Maldives iti kangitingitan iti covid-19.
Segun kenni Bombo International Correspondent Justine Reineir Avila nga adda idiay Male, Maldives, kinunana a no rumuar dagiti agindeg iti pagtaenganda ket kasapulan da nga agrehistro iti online ken aguray iti sumagmamano a minutos sakbay a maaprubaran iti aplikasyonda.
No saan a balido iti agbalin a rason a rumuar iti pagtaengan ket saan nga awaten iti system iti online application.
Kabayatnna, awan met iti ipapatungpal a curfew hour iti gobierno ta agresulta laeng iti panic baying kadagiti sumagmamano nga agindeg.
Mainaig dayta, napagtutulagan iti gobierno iti Maldives ken dagiti grocery store owners iti nainget a panangipatungpal kadagiti pagannurutan inaig iti panagserrek dagiti agindeg kadagiti grocery stores tapno maliklikan iti nasao a virus.
Iti agdama, umaboten iti 86 iti bilang iti covid-19 case idiay Maldives a 16 kadakuadan iti nalaingan ken awan met iti nairekord pay a natay gapu iti covid-19.
