VIGAN CITY – Online ti wagas a panaggatang iti taraon dagiti adda idiay Santiago, Chile tapno maliklikan ti panagruar iti tunggal maysa ket maliklikan ti COVID19 kas pinasingkedan ni Bombo International Correspondent Marie Jane Camangeg a taga-Banna, Ilocos Norte.
Segun ken ni Camangeg, lukatanda lattan ti gate-da ta no addan ti ag-deliver ket ibatina latta iti ruaren ket no nakapanawdanton, isu ti gundawaydan a mangispray kadagiti impagatangda ket ibilag iti sangapulo agingga duapulo a minutos tapno naan-anay met la ti pannakadalusna sa yungedanton iti pagtaenganda tapno mabugwan.
Malaksid iti dayta, kunana a marigatan dagiti “stay out” iti trabahona gapu iti lockdown ta gapu iti “no work, no pay” ket saanda pay laeng a makabayad kadagiti ab-abanganda a pagtaengan ngem no man pay tumultulong ti gobiernoda nangruna kadagiti single parent ket kuna ni Camangeg a mapilpili laeng dagiti maikkan.
