--Ads--
Impasigurado ti Office of the Ombudsman a saanda maal-ala iti dilatory tactics ni dati nga AKO Bicol Partylist Rep. Zaldy Co.
Dayta ti pinasingkedan ti Office of the Ombudsman kasaruno ti petision ni Co iti Supreme Court a mangkidkiddaw iti panangiruar iti temporary restraining order kontra iti Ombudsman.
Mainaig daytoy iti resolusyon a nairuar idi November 14, 2025 a mangisingsingasing iti pannakaipila dagiti reklamo kontra ken ni Co.
Segun iti Ombudsman, nalawag a gagem ti nasao a petison nga idiskaril ti imbestigasion kadagiti kaso nga adda pakainaiganna iti korapsion a sangsangwen ti dati a kongresista.
-- ADVERTISEMENT --
Inkari ti Ombudsman a pokusanda ti mandatoda ken ituloyda ti imbestigasion nga awan ti makibibiang.
