Ad-adalen ti Office of the Ombudsman ti posible a kaso a plunder conspiracy kontra ti tallo a dati nga opisial nga adda pakainaigan da iti flood control corruption scandal.
Dagiti opisial a posible a makaswan ket pakairaman da Undersecretaries Adrian Bersamin, Trygve Olaivar, ken retired Department of Public Works and Highways Undersecretary Roberto Bernardo.
Segun ken ni Ombudsman Remulla, ad-adalenda ti kaso kadua ti laundering money basar iti statement ni Bernardo a nag-apply kas state witness.
Kabayatanna, agtultuloy met ti imbestigasion ken ni Construction Workers Solidarity Party-list Rep. Edwin Gardiola a naakusaran nga adda pakainaiganna ti korapsion manipud iti DPWH projects babaen ti panangited-na ti kuwarta kadagiti opisial ken panagilako ti kontrata.
