Naka-alerto ti Office of the Civil Defense para iti maika-lima nga State of the Nation Address (SONA) ni Presidente Ferdinand R. Marcos Jr. inton bigat, July 27.
Segun ken ni OCD Spokesperson Junie Castillo, immunan nga in-activate ti Blue Alert Status kagiddan ti panagserrek ti bagyo Kiyapo ken agtultuloy daytoyen agingga malpas ti SONA ti presidente.
Iti salinong ti nadakamat nga status, 24/7 ti operasion ti operations center ti OCD.
Ditoy ket mabambantayan ti ground situation, ken nainget a makibin-binulig kadagiti ahensia nga adda tunggal akem wenno pokus da.
Kas head agency iti National Disaster Risk Reduction and Management Council (NDRRMC), ad-adalen ken suksukisoken ti OCD ti real time report ti tunggal member agencies, kangrunaan iti security sector.
Segun ken ni Castillo, target ti konseho a mapagtalinaed ti kinatalged ken nakappia a pannakaisayangkat ti maika-lima a SONA ni presidente Marcos.
