Sinigurado ni Sen. Bam Aquino a tignayan ti Universal Feeding Program ti pagkasapulan iti nutrisyon iti nasurok walo a million nga ubbing manipod Kinder agingga Grade 3 tapno maliklikan ti stunting dagiti ubbing.
Segun ken ni Aquino a kangrunaan nga sponsor ti Senate Bill 2272, naipila ti gakat kas insigida a tignay tapno tignayan ti parikot ti stunting iti ubbing a Pilipino babaen ti Universal Feeding Program.
Kinuna ni Aquino a rumbeng a nakaituding ti sponsorship iti Senate Bill 2272 a gagem nga amyendaran ti Republic Act 11037 wenno ti Masustansyang Pagkain Para sa Batang Pilipino Act idi May 11 ngem nataktak gapu iti panagbaliw ti panangidaulo ti Senado.
Iti kaudian nga enrollment data manipod Department of Education para iti School Year 2025-2026 ket 7,989,911 nga agad-adal ti naka-enroll manipod Kindergarten agingga Grade 3 iti nairanud iti 231 nga aldaw a feeding program a bukbuklen ti 201 school days ken nayon a 30 nga aldaw ti summer class.
