Indeploy ti US Marine Corps ti Navy-Marine Expeditionary Ship Interdiction System (NMESIS) iti Balikatan Exercise 2026 idiay Basco, Batanes.
Dayta ket maysa a kabaroan a land-based anti-ship missle system a nakipaset ti “Maritime Key Terrain Security Operations” (MKTSO) tapno mapapigsa ti kabaelan ti Pilipinas ken US a depensaran dagiti istratehiko a kabaybayan.
Dagiti NMESIS launcher ket naipan kadagiti lugar iti Northern Luzon pakairamanan iti Batanes Group of Islands, kas iti Itabayat ken Basco nga asideg iti Bashi Channel.
Dayta ket kabaelanna a matarget dagiti barko iti kalaban manipod ti daga a mangmangted iti nangato a lebel iti sea denial kadagiti strategic chokepoints.
Ti sistemana ket air-mobile a ti kayatna a sawen ket kabaelanna nga ilugan dagiti C-130 Hercules transport aircraft tapno mapadaras ti panagdeploy iti agduduma nga isla.
Ti NMESIS ket immunan a naipan iti Pilipinas para kadagiti napalabas a panagsanay kas ti Balikatan idi napalabas a tawen.
